#كيفاش: كيفاش نظم الأولويات متاعي ونرتبها؟






#كيفاش: كيفاش نظم الأولويات متاعي ونرتبها؟


في المقال هذايا، باش نحكيو على كيفية تنظيم الاولويات في المواد والقراية بصفة أكثر توسعية، على هذاكا نحبك تركز معايا بالباهي في كل نقطة باش نقولها، على خاطر الكلام الكل مربوط ببعضوا… 
صحيح احنا في النشرات الي فاتو من #كيفاش ما عملناش مقالات، لكن بداية من النشرية الثالثة، باش تولي فما مقالات مربوطة بكل موضوع، باش هكاكا نجموا نتوسعوا أكثر ونفهموا أكثر…

الحقيقة الموضوع هذا طلبوه برشا تلامذة وكانت الاجابة على صفحتنا على انستغرام كالآتي:



أول نقطة ذكرناها هيا تحدد رزنامة عمل، ونقصد برزنامة عمل هيا جدول تعملوا اما كل يوم او كل أسبوع، تحدد فيه الاهداف متاعك، مثال اليوم تحب تكمل تراجع المات والا التاريخ والجغرافيا، تحط في الجدول متاعك تاريخ وجغرافيا، لكن قداش نبقى فيهم وقت؟ هنا باش نحددوا الوقت لازمك تشوف شنوة باش تعمل بالضبط، هل أنك باش تراجع فقط، والا باش تراجع وتخدم دوفوارات قدم، والا باش تدخل دفوارات أكهو؟…. بعد ما تحدد رزنامة العمل متاعك، تجي للوسائل الي تخليك تحقق العمل هذا، ونقصدوا بالوسائل هيا الكور، الدوفوارات القديمة، الانترنت اذا كان استحقيت، أو ديكسيونار كان باش تخدم فقرة مثلا والا باش تحرر الخ….

النقطة الثانية قلنا:” لازمك تقدم الأهم على المهم وتعطيه الاولوية في المراجعة”: ونقصدوا بيها أنو انت مثلا تلميذ آداب وضعيف في اللغات، وتعرف أنو الفلسفة والعربية والتاريخ والجغرافيا مواد مهمة، لكن المواد هاذي برك موش باش تكفيك في النجاح، دونك لازمك تخدم اللغات أكثر من بقية المواد، تقول انت علاش؟ وكيفاش باش نخدم؟
ساهل برشا، التاريخ والجغرافيا والفلسفة والعربية مواد مهمة لكن الاهم الفرنسية والانجليزية، على الاقل كي تخدم وتولي تجيب 7 في عوض 2 خير ملي تخدم التاريخ والجغرافيا والفلسفة والعربية وباقي  تجيب 2 في الفرنسية والانجليزية. (بالنسبة لكيفاش نراجع اللغات والا كيفاش نراجع اللغات …. استناونا في موضوعنا الجاي).

النقطة الثالثة جات في شكل أسئلة، الاسئلة هاذي قلنا أنها تعاونك باش تحدد الاهداف متاعك، كيما: شنوة المواد الى نركز عليها؟ وغيره من الاسئلة الي موجودة في النشرة.

كان عندك سؤال ابعثهولنا على باجنا على الفايسبوك…. وتنجم زادة تشوف بقية نشريات #كيفاش من هنا:
يمكنكم ارسال اسئلتكم على صفحتنا الرسمية على الفايسبوك أو عبر صفحتنا على Instagram للاجابة عليها.
اقرأ أيضا:
07 خطوات عليك القيام بها للتخلص من الخوف : اضغط هنا
كيفاش نراجع للغات؟ اضغط هنا
14 خطوة عليك القيام بها من أجل مراجعة ناجحة في العطل : اضغط هنا
06 خطوات عليك القيام بها للتخلص من القلق والضجر والانقطاع عن المراجعة : اضغط هنا
خطوات عليك القيام بها لتخطي سلبية زملائك والمحيطين بك: اضغط هنا